Lady Blazers, bumangon mula sa pagkatalo matapos pataubin ang Lady Titans!

Muling nakabalik sa panalo ang College of Saint Benilde Lady Blazers matapos nilang baliktarin ang laban at pataubin ang Enderun Colleges Lady Titans sa iskor na 21-25, 27-25, 25-18, 25-22 sa 2026 Shakey’s Collegiate National Invitationals sa Ninoy Aquino Stadium.

Matapos matalo sa unang set, ipinamalas ng Lady Blazers ang kanilang matinding matitigas na depensa at krusyal na paghabol sa ikalawang set upang agawin ang momentum ng laro. Pinangunahan ng rookie na si Mhonniecka Soliven ang koponan sa kanyang nakatala na 20 puntos, kabilang ang 18 kills at dalawang service ace. Nag-ambag din si Camila Bartolome ng 19 puntos, kabilang ang apat na kill block at ang huling crosscourt kill na nagpapanalo sa koponan, habang nag-ambag naman ng tig-siyam na puntos sina Mary Grace Borromeo at Fionna Inocentes.

Dahil sa panalong ito, naitala ng CSB ang kanilang ikalawang panalo sa tatlong laro upang makabangon mula sa nakaraang pagkatalo laban sa University of Santo Tomas.