Impeachment trial ni VP Sara, pumasok na sa ikalawang linggo; mga bagong testigo, ilalabas!

Magpapatuloy ang mainit na bakbakan sa Senado ngayong pumasok na sa ikalawang linggo ang impeachment trial ni Bise Presidente Sara Duterte. Sa ikaapat na araw ng paglilitis, nakatuon ang pansin ng House prosecution panel sa pagpapakita ng mga patunay hinggil sa Article IV ng reklamo. Ang bahaging ito ay may kinalaman sa mga kontrobersyal na pahayag at banta ng bise presidente laban kina Pangulong Ferdinand Marcos Jr., Unang Ginang Liza Marcos, at dating House Speaker Martin Romualdez.

Sasalang sa witness stand ngayong araw ang ahente at abogado ng National Bureau of Investigation na si Jeremy Lotoc upang magbigay ng kanyang testimonya. Bukod sa kanya, nakalinya na ring patawagin sa mga susunod na araw ang chief of staff ng bise presidente na si Zuleika Lopez at isang opisyal mula sa Office of the Sergeant-at-Arms ng Kamara. Samantala, nananatili naman ang posisyon ng depensa na hindi nila ipinagkakaila ang mga binitiwang salita ni Duterte sa kanyang online press conference noong Nobyembre 2024, habang patuloy na binabantayan ng publiko ang takbo ng makasaysayang paglilitis na ito.