Zinedine Zidane, opisyal nang itinalaga bilang bagong head coach ng France

Inanunsyo ng French Football Federation ang opisyal na pagkakatalaga kay Zinedine Zidane bilang bagong head coach ng pambansang koponan ng France matapos ang pag-alis ni Didier Deschamps. Ang 54-anyos na football icon ay matagal nang inaasam ang naturang posisyon at nag-abang ng ilang taon upang makuha ang pagkakataong mamuno sa koponan ng kanyang bansa.

Pinalitan ni Zidane si Deschamps na humawak sa pambansang koponan mula noong 2012 hanggang sa matapos ang kanilang kampanya sa World Cup kung saan nagtapos sa ikaapat na pwesto ang France. Dati ring magkasama sina Zidane at Deschamps bilang manlalaro noong magkampeon ang France sa 1998 World Cup.

Inihayag ni Zidane na ang pagsasanay sa koponan ng France lamang ang tanging posisyong kanyang hinintay at tinanggihan niya ang iba’t ibang alok mula sa mga kilalang club sa nakalipas na apat hanggang limang taon.