Alex Eala, umakyat sa ika-17 pwesto sa world rankings

Patuloy ang pag-akyat ng Pilipinang tennis star na si Alex Eala sa kasaysayan ng women’s tennis matapos pumalo sa ika-17 pwesto sa pinakabagong Women’s Tennis Association world rankings. Ito ang pinakamataas na ranggo sa buong karera ng 21-anyos na atleta na nagpapatatag din sa kanyang titulo bilang pinakamataas na ranggong babaeng manlalaro mula sa Pilipinas at sa buong Timog-Silangang Asya. Nakamit niya ang bagong milestone na ito matapos umabot sa quarterfinal round ng Toray Pan Pacific Open sa Tokyo, habang nakatakda na rin siyang sumabak sa kanyang huling torneo ngayong taon sa Hong Kong Open.