Senado, nangakong ibabalik ang pondo para sa foreign-aided projects

Nangako si Senate Finance Committee Chairman Senator JV Ejercito na ibabalik ang pondo para sa mga foreign-aided projects sa panukalang 2027 national budget upang maiwasan ang pagkaantala ng mga mahahalagang proyektong pang-imprastruktura tulad ng North-South Commuter Railway at Metro Manila Subway. Ayon kay Ejercito, mahalagang tuparin ng gobyerno ang mga obligasyon at counterpart funding nito sa mga banyagang nagpapautang. Bukod dito, tiniyak din ng senador na hihigpitan nila ang pagbusisi sa mga ipinasok na proyekto sa badyet upang matiyak na malinis at kapaki-pakinabang ang paggamit sa kaban ng bayan.