Cochi, Nakuha ang Ikalawang Michelin Bib Gourmand Award

Muling nagwagi ang cochinillo restaurant na Cochi ng actor-chef na si Marvin Agustin matapos nitong mapanatili ang Bib Gourmand rating mula sa Michelin Guide. Kasama ang Cochi sa mga itinampok na kainan sa Michelin Guide ngayong taon dahil sa masasarap nitong modernong putaheng Filipino. Sikat ang restaurant sa slow-cooked roast pig na pinasarap ng iba’t ibang herbal spices.

Aminado si Marvin na bagama’t nakakakaba ang mag-abang ng resulta, lubos ang kanyang kagalakan at pagmamalaki para sa buong koponan ng kanyang kainan. Ayon sa kanya, ang industriya ng pagkain ang isa sa pinakamahirap na negosyong kanyang pinasok, ngunit napakasulit din kapag nakikitang masaya at nabubusog ang mga customer.