Laban ni Alex Eala at Jessica Pegula sa DC Open Final, Suspended Dahil sa Ulan!

Pansamantalang itinigil ang championship match ng Mubadala DC Open sa pagitan ng Filipina tennis sensation na si Alex Eala at top seed na si Jessica Pegula ng Estados Unidos dahil sa malakas na ulan.

Bago ang suspension, lamang ang world No. 3 na si Pegula matapos makuha ang unang set sa opensa, 6-4. Nagpakita naman ng matinding laban si Eala sa ikalawang set kung saan hawak niya ang 2-1 na kalamangan bago tuluyang itigil ang laro. Bago pa man magsimula ang laban, naantala na ito nang tatlong oras dahil pa rin sa masamang panahon.

Umabot sa finals ang 21-anyos na si Eala matapos ang kanyang makasaysayang tagumpay laban sa four-time Grand Slam champion na si Naomi Osaka sa semifinals. Ito ang kauna-unahang pagkakataon na nakatuntong ang Filipina sa championship round ng isang WTA 500 tournament.