Magandang tyansa para sa Filipinas, matinding pagsubok sa Alas Pilipinas sa Asian Games

Maganda ang naging labas ng official draw para sa Philippine women’s football team na Filipinas para sa Aichi-Nagoya Asian Games matapos silang mapabilang sa Group G kasama ang China, Uzbekistan, at Hong Kong. Bagama’t paborito ang powerhouse na China na manguna sa grupo, malaki ang tsansa ng Filipinas na makapasok sa knockout rounds dahil pinalad na silang manalo laban sa Uzbekistan at Hong Kong sa kanilang mga nakalipas na pagtatapat.

Sa kabilang banda, harap-harapan sa matinding hamon ang Alas Pilipinas volleyball teams matapos mapunta sa maiinit na grupo. Kasama ng Alas women’s team ang defending champion na China at ang matangkad na koponan ng Kazakhstan sa Pool B. Sa panig naman ng Alas men’s team, makakatapat nila ang mga pambato ng South Korea, China, at Chinese Taipei sa Pool D, kung saan nakasalalay ang kanilang tagumpay sa paghahanda ng koponan at paglalaro ng kanilang mga star player na sina Bryan Bagunas at Marck Espejo.