P.A ni Martin Romualdez na Kasama sa P7.4B Plunder Case, Nakalabas na ng Bansa

Nakalabas na ng Pilipinas ang personal assistant ni dating House Speaker Martin Romualdez na si Joselyn Tragua Serenio bago pa man maglabas ng Hold Departure Order (HDO) ang Sandiganbayan laban sa kanya.

Si Serenio ay isa sa mga nakasuhan ng pagnanakaw sa kaban ng bayan o plunder na nagkakahalaga ng P7.44 bilyon kaugnay ng mga kontrobersyal na flood control projects mula 2022 hanggang 2025. Batay sa ulat ng Bureau of Immigration (BI), hindi na nila maihahayag ang mga eksaktong detalye ng pagbiyahe ni Serenio dahil sa Data Privacy Act of 2012.

Kabilang sa mga akusado sa nasabing kaso sina Romualdez, dating House appropriations chair Elizaldy Co, at ang may-ari ng money changer na si Felicito Cristobal Guevarra. Sa apat na akusado, tanging si Romualdez lamang ang kasalukuyang nakakulong sa bansa habang si Guevarra naman ay nananatili pa rin sa Pilipinas. Si Co naman ay pinaniniwalaang nasa Europa kung saan pinoproseso na ang Interpol red notice laban sa kanya.