Perpetual Help at Arellano, Panalo sa NCAA Season 101 Volleyball

Matagumpay ang simula ng kampanya ng Perpetual Help Lady Altas sa NCAA Season 101 Volleyball Tournament matapos dominahin ang La Salle Greenies, 25-13, 25-23.

Nanguna sa opensa ang Grade 11 student na si Sherrie Acosta na may 12 puntos, kabilang ang 10 attacks. Ayon kay coach Sandy Rieta, bagama’t panalo ang unang laro, marami pa ring dapat ayusin habang nagsisimula pa lamang ang season.

Nag-ambag din si middle blocker Isabel Baser ng pitong puntos mula sa attacks, blocks at service aces, habang nagbigay ng solidong suporta sina Ram Panganiban at rookie Elizha Sildo.

Samantala, ipinakita rin ng defending champion Arellano ang lakas nito matapos talunin ang JRU, 25-10, 25-20. Pinangunahan ni Catherine Chu ang opensa ng Lady Chiefs sa kanyang 14 puntos, hudyat ng matibay na depensa ng titulo.