No to phaseout at tigil taas presyo ng gas, sigaw ng MANIBELA sa extended transport strike ngayong araw!

Pinalawig at itinuloy ngayong araw ng grupong Manibela ang kanilang transport strike bilang patuloy na pagproprotesta laban sa magkakasunod na pagtaas ng presyo ng produktong petrolyo. Hinihiling din ng grupo ang pagtaas sa pamasahe sa pampublikong jeepney at ang pag-alis ng buwis sa langis upang maibsan ang pabigat na gastusin ng mga drayber at operator.

Dahil sa pinahabang welga, nahirapan muli ang maraming pasahero sa pag-aabang ng masasakyan sa Metro Manila dahil sa pagkonti ng mga bumabiyaheng jeep. Upang makatulong sa mga naapektuhang komyuter, nagpadala ng libreng sakay ang ilang ahensya at lokal na pamahalaan, habang nananatili namang nakatutok ang mga awtoridad sa mga strike center upang tiyakin ang kaayusan at kaligtasan ng lahat.