Kultura ng Pilipino, pinalalakas ang sining sa DreamWorks Animation

Dala ng malikhaing talento ng mga Pilipino, patuloy na umaangat ang kalidad ng mga gawa ng sikat na DreamWorks Animation studio. Sa pinakabagong pelikula nitong “Forgotten Island,” tampok ang kwentong hango sa kultura at alamat ng Pilipinas, kasama ang kwento ng tunay na pagkakaibigan ng mga direktor na sina Joel Crawford at ang Filipino-American na si Januel Mercado.

Hindi lamang sa kwento makikita ang tatak-Pinoy dahil nakipagpulong din ang studio sa Snipple Animation na nakabase sa Quezon City para sa mga kakaibang 2D animation scenes ng pelikula. Binigyang-diin ng mga direktor na ang pakikipagtulungan sa mga lokal na artistang Pilipino ay nagbibigay ng bagong sigla at inspirasyon sa buong kumpanya. Kasama rin sa mga boses ng character ang mga kilalang Pilipino at Fil-Am tulad nina Liza Soberano, H.E.R., Dolly de Leon, Lea Salonga, at Jo Koy. Sa pamamagitan ng kolaborasyong ito, patunay lamang na ang sining ng Pilipino ay may malaking ambag sa pagbabago at pag-unlad ng pandaigdigang larangan ng animation.