Kasong Libel laban kay Rebel Wilson, ibinasura ng korte sa Sydney

Ibinasura ng isang pederal na korte sa Sydney, Australia ang kasong defamation laban sa sikat na Hollywood actress na si Rebel Wilson na inihain ng kapwa niya aktres na si Charlotte MacInnes. Pinagbayad din ng korte si MacInnes ng mga legal cost matapos desisyunan ni Justice Elizabeth Raper na walang sapat na batayan ang reklamo laban sa bituin ng “Pitch Perfect.”

Nagsimula ang hidwaan nang paratangan ni Wilson si MacInnes noong 2024 na binago nito ang kanyang kwento tungkol sa diumano’y karanasan sa sexual harassment upang isulong lamang ang kanyang karera. Nag-ugat ang insidente sa isang kakaibang pangyayari kung saan nagkasama sa paliligo sa bathtub si MacInnes at ang tagagawa ng pelikulang si Amanda Ghost matapos magswimming sa Bondi Beach.

Ayon sa desisyon ng korte, bagama’t ipinahiwatig ng post ni Wilson sa Instagram na nagbago ng pahayag si MacInnes, hindi ito itinuturing na defamation at lumabas ding may katotohanan. Masaya namang nagpasalamat si Wilson sa hustisya sa Australia sa pamamagitan ng kanyang social media post at sinabing handa na siyang magbalik-pokus sa kanyang pamilya at trabaho.