GLOBAL OIL WATCH: Presyo ng Langis Tataas, Iran Hinarangan ang mga Barko sa Strait of Hormuz!

Tumaas nang higit sa isang porsyento ang presyo ng langis sa pandaigdigang pamilihan matapos ihayag ng Iran na hinarang ng kanilang militar ang dalawang barko at pinabalik ang apat na iba pa na nagtatangkang dumaan sa Strait of Hormuz. Ang insidenteng ito ay lalong nagpadagdag sa pangamba ukol sa kaligtasan ng supply ng enerhiya sa buong mundo.

Ang Strait of Hormuz ay isang mahalagang daanan ng daigdig kung saan dumadaan ang humigit-kumulang ikalimang bahagi ng kabuuang suplay ng langis sa mundo. Dahil sa patuloy na tensyon at kaguluhan sa Gitnang Silangan, nakatutok ngayon ang mga mangangalakal at merkado sa anumang pagbabago sa ruta ng mga tanker.

Bagama’t may mga ulat ng pagharang, naitala pa rin sa mga datos ng paglalayag na may ilang malalaking barkong nagdala ng langis ang matagumpay na nakatawid sa nasabing daanan.