Global oil prices, sumipa na kasunod ng panibagong sagupaan sa Middle East

Patuloy ang paggalaw ng presyo ng langis at ng pandaigdigang merkado ng stock kasunod ng panibagong palitan ng pag-atake sa pagitan ng Estados Unidos at Iran na nagdulot ng pangamba sa daloy ng petrolyo.

Pumalo sa lagpas 90 dolyar kada bariles ang presyo ng Brent crude oil habang mabilis ding tumaas ang presyo ng US crude matapos magkaroon ng mga pag-atake sa mga kritikal na daanang-dagat tulad ng Strait of Hormuz. Nagdulot ito ng pangamba sa mga mamumuhunan ukol sa posibleng muling pagtaas ng implasyon sa iba’t ibang bansa, na maaari namang magtulak sa mga central bank na magtaas muli ng interest rates.

Sa kabila ng pagtaas ng presyo ng petrolyo, nanatiling matatag ang ilang bahagi ng merkado ng stock sa tulong ng patuloy na pag-angat ng mga kumpanya sa sektor ng teknolohiya at artificial intelligence.