WORLD’S NICEST JUDGE’ FRANK CAPRIO, PUMANAW SA EDAD NA 88!

Pumanaw na si Judge Frank Caprio, kilala bilang “nicest judge in the world,” sa edad na 88 matapos ang matagal na laban sa pancreatic cancer.
Halos apat na dekada siyang naglingkod bilang hukom sa Rhode Island bago magretiro noong 2023. Sumikat siya sa buong mundo dahil sa kanyang malasakit at magaan na pakikitungo sa mga kasong may minor violations.
Ayon sa kanyang anak na si David Caprio, “Si Papa ay pumanaw nang payapa, napapalibutan ng pamilya at kaibigan.”
Sa pahayag ng pamilya, inilarawan siya bilang huwaran ng kababaang-loob at pananampalataya sa kabutihan ng tao. Isang araw bago siya pumanaw, nakapagbahagi pa si Caprio ng video mula sa ospital upang humingi ng panalangin.