Wanderland 2025: Daniel Caesar Bumalik, Nagpaiyak ng Fans!

Sampung taon na ang Wanderland at nagbabalik ang mga paborito ng fans! Pinuno ng old school hits, fresh acts, at mga pasabog na baguhan ang two-day music fest. Isa sa pinaka-inaabangang comeback? Si Daniel Caesar!

Mula 2018, ngayon lang muli napanood ng live ang Canadian R&B star. Sobrang intense, pati paglakad niya mula backstage, pina-flash na sa LED screen! Kaya naman pag-apak niya sa stage, sabog agad ang sigawan ng crowd.

Fans, todo-abang sa harap ng stage — may mga nag-camp pa para makakuha ng best spot. At pagdating ng countdown, sabay-sabay silang naglabas ng phone, handang hulihin ang unang nota ni Daniel. Walang duda, siya ang bituin ng gabi!