Sasakyang Nahuli sa EDSA busway, Personal na Sasakyan ni MMDA GM Torre

Inihayag ni MMDA Chairman Romando Artes na ang pampamahalaang markings na sasakyang nasita sa eksklusibong EDSA busway ay personal na pagmamay-ari ni MMDA General Manager Nicolas Torre III at hindi ng ahensya. Ayon kay Artes, mismong si Torre ang umamin sa pagmamay-ari ng naturang sasakyan na pinalagyan ng MMDA markings at napansing may magkaibang plato nang parahin ng Land Transportation Office.

Paliwanag ni Torre, dumaan siya sa busway upang tingnan ang isang aksidente sa kalsada na nagdulot ng mabigat na trapiko. Kusa ring isinuko ang sasakyan sa LTO na kasalukuyang humahawak sa imbestigasyon para sa patas na proseso. Sa kabila ng insidente, pinanatili ni Artes na magpapatuloy sa kaniyang tungkulin si Torre dahil wala pang ipinapalabas na suspension order laban sa kaniya habang gumugulong ang pagsusuri.