Womens PH Sepak Takraw Team, nag-uwi ng Silver sa Asian Games

Gumawa ng kasaysayan ang Philippine women’s sepak takraw trio matapos nilang masungkit ang kauna-unahang pilak na medalya ng bansa sa naturang laro sa Aichi-Nagoya Asian Games. Pinangunahan nina Abegail Sinogbuhan, Jean Marie Sucalit, at Nelly Jay Salon ang koponan sa pag-abot sa finals ng women’s doubles event kung saan nagtapos sila bilang second placer laban sa paboritong Vietnam.

​Sa kabila ng pagkatalo sa kampeonato, itinuturing itong pinakamataas na tagumpay ng Pilipinas sa kasaysayan ng sepak takraw sa Asian Games. Naghatid din ito ng malaking kagalakan sa koponan matapos ang ilang taong kabiguan sa mga nakaraang internasyonal na kompetisyon. Ang makasaysayang pilak na ito ay ang ikalawang medalya na naiuwi ng sepak takraw delegation sa ginaganap na torneo kasunod ng tanso na nauna nang nasungkit ng men’s regu team.