Iran, Walang Planong Buksan ang Hormuz Kapag Hindi Pumayag ang US sa Kondisyon Nila!

Nanatiling matatag ang Iran sa kanilang desisyon na hindi bubuksan ang mahalagang Strait of Hormuz hangga’t hindi tinatanggap ng Estados Unidos ang pitong kondisyon na kanilang inilata. Ayon sa mga opisyal ng Iran, tapos na ang panahon ng pag-aaksaya ng oras at hindi na sila papayag na diktahan ng Washington habang nagpapatuloy ang tensyon at negosasyon sa pagitan ng dalawang bansa.

Ang Strait of Hormuz ay isa sa pinakapangunahing daanan ng barko sa buong mundo kung saan dumadaan ang humigit-kumulang ikalimang bahagi ng suplay ng langis at natural gas. Nagbabala rin ang pamahalaan ng Iran na handa silang ipaglaban ang kanilang bansa sa pamamagitan ng diplomasya o militar man, habang patuloy nilang hinihiling ang pagkakaroon ng kapayapaan at katatagan sa naturang baybayin.