Underground Flood Detention Basin, Itatayo Sa EDSA Balintawak Para Labanan Ang Baha

Magkatulong na itatayo ng Department of Public Works and Highways at NLEX Corporation ang isang underground flood detention basin sa bahagi ng EDSA-Balintawak sa Quezon City upang masolusyunan ang paulit-ulit na problema sa baha sa lugar. Gagamitin bilang modelo ng proyektong ito ang istruktura ng Burgos Circle detention basin na matatagpuan sa BGC, Taguig.

Bukod sa pagpigil sa pagbaha, ipinahayag ni DPWH Secretary Vince Dizon na ipoproseso rin ang maiipong tubig-ulan. Sa halip na patayin at idirekta sa mga sapa, ipapadala ang tubig sa water treatment facilities ng Maynilad upang linisin at gawing malinis na tubig na maiinom at magagamit ng mga kabahayan. Target na matapos ang imprastraktura bago magsimula ang susunod na panahon ng tag-ulan.