Tensyon sa Pagitan ng Chinese Embassy at PH, Tumataas!

Lalong uminit ang palitan ng maaanghang na salita sa pagitan ng ilang opisyal ng pamahalaan at ng Embahada ng Tsina matapos maghain ang mga mambabatas ng Kamara ng resolusyon na humihiling na ideklarang persona non grata si Chinese Ambassador Jing Quan. Kasunod ito ng kontrobersyal na pahayag ng embahador na madali umano nilang mapapanalunan ang anumang digmaan laban sa Pilipinas.

Sa kabila ng mga panawagan ng pagpapaalis sa diplomat, sunud-sunod ding naglabas ng mga banat at tugon ang opisyal na Facebook page ng embahada laban sa mga kritiko nitong senador at kongresista. Samantala, iginiit naman ng ilang opisyal gaya ni Senador Panfilo Lacson na ang pagtawag-pansin sa hindi maayos na asal ng isang banyagang kinatawan ay bahagi ng pagtatanggol sa soberanya at dignidad ng bansa.