Alex Eala, Mainit Na Tinanggap Ng Mga Tagahanga Sa Singapore Open

Umapaw ang suporta at pagmamahal ng mga tagahanga kay Alex Eala sa ginanap na meet and greet session bago ang kanyang laban sa WTA500 Singapore Open. Dahil sa dagsa ng mga Pinoy at dayuhang tagahanga, kinailangan pa ng mga organizer na ilipat ang kaganapan sa mas malaking pasilidad sa National Stadium upang maiwasan ang overcrowding.

Pumasok ang 21-anyos na Pinay tennis star sa Round of 16 bilang No. 3 seed at nakatakdang makatunggali si Tatiana Prozorova ng Russia. Ang torneo sa Singapore ay nagsisilbi ring huling paghahanda ni Eala bago siya sumabak sa Asian Games sa Nagoya, Japan, kung saan isa siya sa mga pangunahing paboritong mag-uwi ng gintong medalya.