Tensyon sa Strait of Hormuz, Tumindi sa Gitna ng Babala ni Donald Trump Laban sa Iran

Lalo pang uminit ang tensyon sa Gitnang Silangan matapos magkaroon ng palitan ng pahayag ang Estados Unidos at Iran ukol sa pagkontrol sa mahalagang daanang-tubig ng Strait of Hormuz.

Nagsimula ang panibagong tensyon nang ipahayag ni US President Donald Trump sa kanyang social media account na may ganap na kontrol ang Amerika sa naturang maritime route at iginiit na posibleng panatilihin nila ang pamamahala rito. Agad namang sumagot ang pamahalaan ng Tehran at iginiit na ang Strait of Hormuz ay nananatiling nasa ilalim ng kontrol at pangangasiwa ng Iran.

Ang Strait of Hormuz ay isang kritikal na daanan para sa pandaigdigang kalakalan ng langis. Dahil sa patuloy na sigalot at pagkaantala ng mga barko roon, patuloy na naaapektuhan at nananatiling mataas ang presyo ng langis at petrolyo sa pandaigdigang merkado.