Isang malaking sakuna ang yumanig sa hangganan ng Nepal at Tibet matapos ang biglaang pagguho ng glacier at mga bato sa kabundukan ng Himalayas na nagdulot ng malakas na flash flood. Umabot na sa mahigit 350 katao ang kumpirmadong nasawi habang humigit-kumulang 1,300 naman ang patuloy na hinahanap, kung saan karamihan sa mga nawawala ay mga turistang dayuhan at mga pilgrims.
Winasak ng mabilis at malakas na agos ng tubig at putik ang mga bahay, tulay, at kalsada, kaya nahihirapan ang mga rescue team na marating ang mga naapektuhang bayan. Nakapagtala rin ng matinding pinsala sa mga daluyan ng kuryente at imprastraktura. Sa kabila ng patuloy na paghahanap gamit ang mga helikopter, nagbabala ang mga awtoridad sa panibagong panganib dahil sa umuusbong na dam ng tubig sa mga ilog na posibleng muling umapaw anumang oras.