Inaprubahan na ng Senado ang isang panukalang batas na nagbabawal sa mga ospital na pigilang makalabas ang mga pasyente o ihabla ang kanilang mga labi dahil lamang hindi pa bayad ang bill sa gamutan. Sa ilalim ng bagong patakaran, bawal na ring ipagkait ng ospital ang mga kailangang papeles tulad ng medical records o death certificate ng pasyente.
Para sa mga ospital o opisyal na lalabag at manghaharang sa mga pasyente, maaari silang magmulta ng hanggang isang milyong piso at makulong ng hanggang anim na taon.
Hindi naman ibig sabihin nito na libre na ang pagpapagamot. Kailangan pa rin magbayad ng pasyente, ngunit papayagan na silang makauwi basta mag-iwan ng promissory note o pormal na pangakong magbabayad, o kaya ay magpresenta ng guarantee letter mula sa mga ahensya ng gobyerno tulad ng DOH o DSWD.
Senado: Bawal na ang pag-iipit sa mga pasyente sa ospital dahil sa utang
