Sa pagpapatuloy ng impeachment trial laban kay Bise Presidente Sara Duterte, inamin ng dating special disbursing officer na si Gina Acosta na ang mga pangalang nakatala sa mga resibo ng pondo ng Office of the Vice President ay mga alias lamang at hindi totoong pangalan ng mga nakatanggap.
Ayon sa naging testimonya ni Acosta sa Senado, ibinigay niya ang lahat ng bulto ng pondo kay Col. Raymund Dante Lachica, ang dating pamuno ng security group ng Bise Presidente. Si Lachica umano ang direktang humawak sa pamamahagi ng pera sa ibat ibang lugar para sa mga confidential operations. Inamin din ni Acosta na wala siyang direktang kaalaman kung kanino napunta ang pera o kung sino ang mga totoong tao sa likod ng mga pangalang tulad ng Pusa, Pagong, at iba pa dahil nakasalalay lamang siya sa mga ulat na isinumite sa kanya.
Nagkaroon din ng matinding pagtatanong mula sa mga senador dahil sa kawalan ng malinaw na talaan ng mga totoong nakatanggap ng pondo. Iginiit ni Acosta na ang ganitong sistema ay nakasanayan na rin noong siya ay nagtatrabaho pa sa ilalim ng pamumuno ni Duterte sa Lungsod ng Davao.