Ipinahayag ng kilalang sports apparel brand na Nike ang pagbabalik ng kanilang sikat na serye ng running shoes na Skylon 11, mahigit sampung taon matapos itong huling ibenta sa merkado. Ang orihinal na bersyon ng sapatos ay unang lumabas noong 1990, habang ang huling edisyon nito ay noong 2008 pa. Kilala ito noon sa mga distance runner dahil sa magaan at aerodinamikong disenyo pati na rin sa tumutugong cushioning.
Sa muling pagbuhay ng linya, pinagsama ang pamana ng running heritage ng Nike at ang natatanging Air Zoom tooling at layered construction sa ilalim ng pamumuno ng expert footwear designer na si David Mawdsley. Bukod sa orihinal na kulay na Volt, itatampok din sa bagong serye ang iba pang mga pagpipiliang kulay tulad ng itim at hyper pink upang maging angkop sa panlasa ng bagong henerasyon ng mga runner at sneaker enthusiast.
Nike, Ibinalik ang Sikat na Running Shoes Series Makalipas ang Halos Isang Dekada
