Isiniwalat ni Senadora Risa Hontiveros sa ginagawang impeachment trial na umabot sa P319 milyon ang ipinadalang pera ng mga kompanyang pagmamay-ari ng pamahalaan ng Tsina sa Cale88 Foods Corp., isang kumpanyang may kaugnayan sa pamilya ni Bise Presidente Sara Duterte.
Ayon sa pananaliksik ng tanggapan ng senadora, ang mga kumpanyang naglipat ng pondo—tulad ng China National Township Enterprises at Beijing Jianweifang Food Co.—ay may direktang ugnayan sa Chinese Communist Party at nagsusulong ng mga pambansang layunin ng Beijing. Bago ito, itinuring na rin ng Anti-Money Laundering Council na kaduda-duda ang mga naturang transaksyon dahil sa kawalan ng malinaw na batayang negosyo.
Nakalista ang Cale88 sa SALN ni VP Sara bilang bahagi ng kanyang mga interes sa negosyo, kung saan naging incorporator at shareholder din ang kanyang asawang si Manases Carpio. Samantala, itinanggi naman ng embahada ng Tsina na mayroon silang pakikipag-ugnayan sa anumang pangkat-politikal sa Pilipinas.