Puno ng pasasalamat ang aktres na si Liza Soberano kina Lea Salonga at Dolly de Leon sa pag-aabono ng daan para mas madaling makapasok at makilala ang mga Pilipinong artista sa pandaigdigang entablado ng pag-arte gaya ng Hollywood.
Nagsama-sama ang tatlo bilang boses ng mga karakter sa pinakabagong animated movie ng DreamWorks na Forgotten Island, na hango sa kuwentong-bayan at mitolohiyang Pilipino. Sa kaniyang pagbisita sa Maynila para i-promote ang pelikula, inamin ni Liza na isang malaking karangalan ang maging bahagi ng proyektong ito. Sa halip na angkinin ang tagumpay, binigyang-diin ng aktres na ang mga naunang tagumpay nina Salonga at De Leon ang nagbukas ng oportunidad para sa kaniyang henerasyon.
Naniniwala rin si Liza na ito na ang simula ng mas malaking pagkilala sa talento ng mga Pilipino sa buong mundo. Umaasa siya na susuportahan ng mga kababayan ang mga produktong pampelikula ng bansa katulad ng pagsuporta ng mga ito sa mga beauty pageant at laban sa boxing.