Para kay Rep. Karl Legazpi at sa iba pang mambabatas, ang posibleng pagbabawal o travel ban sa pagpasok sa Tsina ay isang maliit na sakripisyo lamang kapalit ng pagtatanggol sa karapatan ng mga Pilipinong mangingisda at ng soberanya ng bansa. Ginawa ang pahayag matapos maglabas ng pahaging ang Embahada ng Tsina na ilalagay sa listahan ang mga opisyal na tumatawag na ideklarang persona non grata si Ambassador Jing Quan. Ayon kay Legazpi, mas matimbang pa rin ang kapakanan ng bayan kaysa sa pribilehiyong makabiyahe sa ibang bansa. Samantala, naghain na rin ang ilang mambabatas ng resolusyon upang pormal na hilingin kay Pangulong Ferdinand Marcos Jr. ang pagpapalayas o pagpapabalik sa naturang dayuhang sugo sa gitna ng umiigting na diplomatikong tensiyon.
Legazpi: Maliit ang Entry Ban ng China Kapalit sa Paninindigan sa West Philippine Sea!
