Mainit ngayon sa balita sa Hollywood ang posibleng pagsasama ng action star na si Keanu Reeves at ng South Korean powerhouse na si Don Lee para sa remake ng hit 2019 Korean crime film na The Gangster, The Cop, The Devil.
Ayon sa mga ulat, pinag-uusapan na ng Paramount at ng sikat na direktor na si James Wan ang pagpasok ng bida ng John Wick sa proyekto. Si Don Lee ay nakatakdang gampanan muli ang kanyang papel bilang isang mafia boss na mapipilitang makipagtulungan sa isang pulis upang madakip ang isang mapanganib na serial killer. Bagamat hindi pa opisyal na inihayag ang eksaktong magiging papel ni Keanu, malakas ang espekulasyon na siya ang gaganap bilang pulis na makakatambal ng naturang Korean actor.
Ang inaabangang pelikulang ito ay poprodyusan ng Atomic Monster ni James Wan kasama ang iba pang malalaking production company gaya ng Blumhouse at Balboa Productions. Sa ngayon, marami na ang nag-aabang sa mga susunod pang detalye tungkol sa malaking proyektong ito.
Keanu Reeves, Gustong Makatrabaho si Don Lee sa pelikula ni James Wan
