Gumawa ng makasaysayang pagbangon ang Global Esports matapos nitong pabalikatin ang Nongshim RedForce sa ikakasang 3-2 panalo sa VCT Pacific Stage 2 Grand Finals. Sa tulong ng mga Pinoy esports players na sina Patrick “PatMen” Mendoza at Xavier “xavi8k” Juan, naungusan ng koponan ang 0-2 pagkakalagay sa serye upang maisakatuparan ang isang kauna-unahang reverse sweep at makuha ang kanilang kauna-unahang kampeonato sa torneo.
Bagama’t nabaon sa unang dalawang mapa, hindi nasira ang kumpyansa ng Global Esports at sunod-sunod nitong pinataob ang kalaban sa huling tatlong mapa upang makuha ang kampeonato. Sa tagumpay na ito, sigurado na rin ang slot ng grupo para sa Valorant Champions Shanghai, habang si Mendoza naman ang naging kauna-unahang manlalaro sa buong VCT franchise na nakasungkit ng dalawang rehiyonal na tropeo sa ilalim ng dalawang magkaibang koponan.