Inihayag ng Film Academy of the Philippines na ang pelikulang “Filipiñana” na idinirek ni Rafael Manuel ang opisyal na kalahok ng Pilipinas sa Best International Feature Film category para sa 2027 Academy Awards. Umiikot ang kwento ng pelikula sa buhay ng isang bagong tee girl sa isang eksklusibong golf club at ang pagtalakay nito sa hidwaan at agwat sa pagitan ng mga uri sa lipunan.
Magkakaroon ng suporta mula sa gobyerno ang pelikula para sa promosyon nito sa Oscars, kabilang na ang kampanya para sa iba pang kategorya tulad ng Cinematography at Production Design. Bukod sa “Filipiñana,” susuportahan din ng bansa ang pelikulang “58th” para sa Best Documentary at “Agapito” para naman sa Best Live Action Short Film. Sa kasaysayan ng Oscars, wala pa ring pelikulang Pilipino ang nakakapasok sa shortlist o opisyal na nominasyon, kaya malaki ang pag-asa ng industriya sa bagong lahok na ito.