Niyanig ng magkasunod na cyber attack ang mga sistema ng Russia at Ukraine ilang oras matapos opisyal na magtapos ang pinakamatagal na tigil-putukan sa pagitan ng dalawang bansa sa rehiyon ng Kherson. Ayon sa ulat, nakaranas umano ng malawakang panghihimasok ang emergency warning application ng Moscow na naglagay ng mga maling impormasyon, habang nakompromiso rin ang air raid alert system ng Ukraine matapos kumalat ang mga maling babala tungkol sa banta ng radyasyon.
Kasabay ng pagtatapos ng pansamantalang kapayapaan na tumagal nang ilang araw, muling nagpalitan ng mga pag-atake sa imprastruktura ang dalawang panig kabilang ang mga naiulat na drone strike sa pasilidad ng langis. Labis ang pangamba ng mga residente at opisyal na mas lalong titindi at lalala ang bakbakan sa pagpapatuloy ng digmaan ngayong buwan.