Nagwakas ang pamamayagpag ni Carlos Alcaraz sa US Open matapos siyang pataubin ng American tennis player na si Ben Shelton sa isang intense na limang set na labanan na nagtala ng pinakahuling pagtatapos sa kasaysayan ng tournament. Natapos ang aksyon sa ganap na 3:34 ng umaga.
Nasungkit ni Shelton ang kanyang kauna-unahang panalo laban sa Spanish tennis star sa skore na 6-7 (5/7), 6-1, 6-3, 1-6, 7-6 (10/7). Dahil dito, naputol ang pag-asa ni Alcaraz na maidepensa ang kanyang titulo sa kanyang pagbabalik matapos ang apat na buwang pahinga dahil sa injury sa kanang pulso. Dahil sa tagumpay na ito, makakaharap ni Shelton ang kapwa niya Amerikanong si Frances Tiafoe sa semifinals.