Isang oil tanker ang inatake sa bahagi ng hilagang baybayin ng Qatar matapos itong tamaan ng maraming patama o projectiles, ayon sa ulat ng British maritime security agency na UKMTO. Nagdulot ang insidente ng hindi pa matukoy na bilang ng mga nasugatan sa gitna ng patuloy na tensyon at tunggalian sa Middle East.
Kasabay ng pag-atake, nagbabala ang Iran na tuluyan nitong isasarahan ang mga natitirang ruta sa Strait of Hormuz na ginagamit ng mga barko upang makaiwas sa kanilang blockade. Dahil sa sunod-sunod na insidente ng pag-atake sa mga barkong nagdadala ng langis at liquefied natural gas, umakyat na sa mahigit 100 dolyar kada barrel ang presyo ng petrolyo sa pandaigdigang merkado.
Barkong may Dalang Langis, Inatake Sa Baybayin Ng Qatar
