Isang malakas na bagyo na may international name na Saudel ang inaasahang papasok sa Philippine Area of Responsibility ngayong Lunes at papangalanang Obet. Ayon sa PAGASA, posible itong lumakas at maging isang super typhoon habang nasa dagat. Bagamat napakalakas ng bagyong ito, sinabi ng mga dalubhasa sa panahon na hindi ito direktang makakaapekto sa kalagayan ng panahon sa bansa sa mga susunod na tatlong araw dahil sa inaasahang mabilis nitong paglabas.
Ang habagat o southwest monsoon ang tunay na nagdadala ng mga pag-ulan sa malaking bahagi ng Luzon. Nakararanas ng tuloy-tuloy at kung minsa’y malalakas na pag-ulan ang Metro Manila, Batanes, Ilocos Region, Cordillera, Central Luzon, Cagayan Valley, Cavite, Batangas, at Rizal. Pinaiiral ng PAGASA ang pag-iingat sa mga residenteng nakatira sa mababang lugar at sa mga gilid ng bundok dahil sa panganib ng biglaang pagbaha at pagguho ng lupa. Inaabisuhan din ang mga mangingisda at maliliit na sasakyang-dagat na mag-ingat dahil sa matataas na alon sa hilaga at kanlurang baybayin ng Luzon.