Inihayag na makakapanlaban pa rin sa Tsina ang Filipina tennis star na si Alex Eala sa darating na Wuhan Open sa Oktubre 12 hanggang 18 matapos ang kanyang pakikipagpaligsahan sa Asian Games.
Kasalukuyang ranked World No. 18 si Eala at minabuting laktawan ang Beijing Open upang magpokus sa pagrepresenta sa bansa sa Asian Games na gaganapin sa Nagoya, Japan mula Setyembre 27 hanggang Oktubre 3. Dahil sa paglaktaw sa Beijing tournament, humiling na ng exemption waiver ang Philippine Tennis Association sa WTA para maiwasan ang posibleng sampung libong dolyar na multa.
Kabilang si Eala sa unang dalawampung manlalaro na nakatala sa Wuhan Open, kung saan makakabangga niya ang mga sikat at matitinding pangalan sa mundo ng tennis tulad nina World No. 1 Elena Rybakina, Aryna Sabalenka, Jessica Pegula, at Coco Gauff. Bago sumabak sa Asian Games at Wuhan Open, magsisilbing pampainit na palaro muna ni Eala ang Singapore Open kung saan inaasahang lalaban siya bilang ikatlong seed.