Naghahanda nang husto ang Filipina tennis star na si Alex Eala para sa kanyang kampanya sa US Open sa tulong ng walang iba kundi ang pitong beses na Grand Slam champion at legendary tennis icon na si Venus Williams. Nakasama ni Eala sa isang intense na practice session sa Arthur Ashe Stadium sa New York ang tennis legend upang lalong patatagin ang kanyang laro bago ang malaking kompetisyon.
Hindi na bago ang magandang samahan ng dalawa dahil magkasama na rin silang naglaro sa doubles division sa mga nakaraang torneo. Ang pagkakataong makatambal at makasabay sa pagsasanay ang isa sa mga pinakadinadaakilang atleta sa mundo ay nagbibigay ng malaking kumpyansa at dagdag na karanasan para sa 19-anyos na Pinay netter sa kanyang patuloy na pag-akyat sa internasyonal na mundo ng tennis.