Buong-pusong tinatanggap ng 21-anyos na Pinay tennis star na si Alex Eala ang mas mataas na ekspektasyon at presyur habang patuloy siyang nagpapakitang-gilas sa US Open. Bitbit ang kaniyang career-high WTA ranking na No. 18 at pagiging 17th seed, dominadong pinatumba ni Eala si Mary Stoiana ng United States sa opensa ng kaniyang kampanya sa Louis Armstrong Stadium sa loob lamang ng 78 minuto.
Nakatakda niyang makatunggali sa ikalawang antas ng torneo si Oleksandra Oliynykova ng Ukraine sa isang rematch na pakay niyang pagbawian. Dahil sa dumaraming tagasuportang Pilipino sa New York at pinalakas na kumpyansa mula sa mga magagandang resulta nitong mga nagdaang buwan, nananatiling positibo ang pananaw ni Eala na magpapatuloy ang kaniyang magandang performance sa torneo.