Direkta nang pasok sa Round of 16 ng Singapore Open ang Filipina tennis star na si Alex Eala matapos makakuha ng first-round bye bilang No. 3 seed ng torneo. Kasunod ito ng kanyang magandang kampanya sa US Open kung saan umabot siya sa ikatlong antas, dahilan upang umakyat ang kanyang rank sa No. 18 sa buong mundo.
Nakatakdang makatapat ng 21-anyos na tennis ace ang mananalo sa pagitan nina Tatiana Prozorova ng Russia at Sofia Costoulas ng Belgium sa kanyang unang laban ngayong Miyerkules. Bukod sa pagbawi sa kanyang maagang pagkatalo sa parehong torneo noong nakaraang taon, ginagamit din ni Eala ang Singapore Open bilang paghahanda para sa Asian Games sa Japan, kung saan paborito siyang makasungkit ng gintong medalya.