Nangako ang Alas Pilipinas Women’s Volleyball Team na gagamitin nilang aral ang bawat pighati at hamon na kanilang naranasan sa Asian Games upang mas mapalakas pa ang koponan sa mga susunod na kompetisyon. Bagama’t pumasok sa torneo na may mataas na pangarap, hindi pinalad ang koponan na makapasok sa medal round matapos makatapat ang ilang sa pinakamalakas na bansa sa Asya.
Ayon sa pamunuan at mga manlalaro ng Alas Women, malaking tulong ang karanasang makipagsabayan sa mga elite team sa rehiyon upang makita ang mga dapat pang pagbutihin sa kanilang sistema. Sa kabila ng kabiguan, buo pa rin ang determinasyon ng pambansang koponan na magpatuloy sa pagsasanay at ipakitang mas handa at mas matatag sila sa mga darating pang international tournament.