Manny Pacquiao Nakipag-Ensayso Ng Boksing Sa Pangulo Ng Poland

Nagsama sa isang kakaibang pagsasanay sa boxing gym ang pambansang kamao na si Manny Pacquiao at ang Pangulo ng Poland na si Karol Nawrocki sa Elorde Boxing Gym sa Parañaque City. Ibinahagi ng eight-division world champion ang video ng kanilang pagsasanay sa kanyang Facebook page kung saan hawak niya ang punch mitts habang nagpapakitang-gilas sa pagsuntok ang lider ng Poland.

Sinabi ni Pacquiao na isang malaking karangalan para sa kanya na makatraining ang pangulo, na kilala rin bilang isang dating amateur boxer. Ang pagbisita ni Nawrocki ay bahagi ng kanyang tatlong araw na official state visit sa Pilipinas, kung saan siya rin ang kauna-unahang ulo ng estado mula sa Poland na bumisita sa bansa. Bago ang pagsasanay kasama si Pacquiao, nakipagpulong muna siya kay Pangulong Ferdinand Marcos Jr.