Pilipinas, magho-host ng WTA 250 tennis tournament sa 2027

Magkakaroon na ng dalawang malaking international tennis tournament sa bansa matapos aprubahan ng Women’s Tennis Association (WTA) ang pag-host ng Pilipinas sa mas mataas na antas na WTA 250 event sa susunod na taon. Ayon sa Philippine Tennis Association (Philta), gaganapin ang bagong torneo sa huling linggo ng Oktubre o unang linggo ng Nobyembre, habang itutuloy pa rin ang WTA 125 Philippine Women’s Open tuwing buwan ng Enero.
Naging susi sa makasaysayang tagumpay na ito ang matagumpay na pagho-host ng bansa sa kauna-unahang WTA 125 nitong nakaraang Enero, kasama na ang patuloy na pag-usbong at kasikatan ng Filipina tennis star na si Alex Eala sa pandaigdigang larangan. Inaasahang magdadala ang mga torneyong ito ng mga kilalang world-class tennis players sa bansa at magbibigay ng mas malaking inspirasyon at oportunidad para sa mga lokal na atleta.