Direktor ng series na “Drug War”, Pinagusapan ang signus sa Bisyo sa Lipunan!

Layunin ng bagong crime drama series na Drug War: A Conspiracy of Silence na magbukas ng malalim na diskurso at pag-unawa sa halip na baguhin ang opinyon ng mga manonood tungkol sa kontrobersyal na usapin sa bansa. Ayon sa direktor na si Shugo Praico, itinatampok sa anim na bahaging serye ang mga totoong kwento ng mga taong naipit sa gitna ng kampanya laban sa iligal na droga noong mga taong 2017 hanggang 2018.
Pinangungunahan nina Ian Veneracion at John Arcilla ang powerhouse cast ng palabas, kasama sina Harvey Bautista, Romnick Sarmenta, at Ryan Eigenmann. Umiikot ang kwento sa karakter ni Veneracion bilang si Pari Tom Carillo na nag-aaruga sa isang rehabilitation center, at kay Kiko, isang kabataang naghahanap ng katarungan para sa kanyang amang nabiktima ng tokhang operation. Sa pamamagitan ng produksyong ito ng Rein Entertainment at KC Global Media, inaasahan ng mga tagalikha na magdudulot ang serye ng makabuluhang talakayan at paghilom sa lipunan.