Umakyat na sa siyam na ospital sa Metro Manila ang nag-deklara na puno na ang kanilang kapasidad para sa mga pasyenteng may leptospirosis. Bunsod ito ng patuloy na pagtaas ng mga kaso matapos ang mga nakaraang pagbaha sa rehiyon.
Ayon sa Department of Health (DOH), kabilang sa mga napunong pasilidad ang San Lazaro Hospital, East Avenue Medical Center, Rizal Medical Center, at iba pang pangunahing pampublikong ospital. Dahil sa dagsa ng mga pasyente, inirerekomenda ng DOH na sumangguni muna sa iba pang mga ospital o health center bago magtungo sa mga nasabing pasilidad upang matiyak ang mabilis na atensyong medikal. Pinapaalalahanan din ang publiko na agad humingi ng gamot o prophylaxis kapag nakasong sa baha upang maiwasan ang malalang komplikasyon ng sakit.